"Ливерпуль" ёзги трансфер ойнасида "Лейпциг" ҳимоячиси Йошко Гвардиолни сотиб олмоқчи.
Футболчининг ўзи аввалроқ болалигидан инглиз клубига мухлислик қилганини айтганди.
Бироқ, айни дамда унинг фаолиятини давом эттириш учун устувор вариант Испаниянинг “Реал”и ҳисобланади.
"Лейпциг" 20 ёшли Гвардиолни 100 миллион еврога баҳоламоқда.
Жорий мавсумда Гвардиол “буқалар” сафида барча мусобақаларда 19 та ўйинда майдонга тушиб, 1 та гол уришга эришди. Унинг немис клуби билан шартномаси 2027 йилнинг ёзига қадар амал қилади.
Хорватия терма жамоаси сафида ЖЧ-2022да ҳимоячи 7та ўйин ўтказиб, 1та гол урган. У турнирнинг бронза медалини қўлга киритди.
