Италия чемпионатининг 18-туридан ўрин олган ўйинда "Наполи" Туриннинг "Ювентус" клубини (5:1) мағлуб этди.
Турин клуби устидан қўлга киритилган ғалабадан сўнг "Наполи" футболчиси Жованни ди Лоренцо ўз фикрлари билан ўртоқлашди.
"Кийиниш хонасида ишонч муҳити бор эди, мураббий бизни мукаммал тайёрлади. Ва биз у хоҳлаган нарсани қилдик. Бу ажойиб ғалаба бўлди, биз фантастик муҳитда ўйнадик ва жамоа сифатида бундай бирлик бу мавсумда узоққа боришимизга имкон бериши керак. Биз билан содир бўлаётган воқеалар сўнгги бир ярим йилдан бери бирга ишлаётган мураббийнинг хизмати каттадир" - деди ди Лоренцо calcionapoli1926.it билан суҳбатда.
