"Рома" ҳужумчиси Элдор Шомуродов фаолиятини Испания Ла Лигасида давом эттириши мумкин.
Испаниянинг "Реал Вальядолид" клуби ҳужум чизиғини кучайтириш учун трансфер бозорида ҳужумчи изламоқда ва клуб спорт директори Фран Санчез "Рома"ни тарк этиши кутилаётган Элдор Шомуродовни ижарага олишни кўзламоқда аммо Рим клуби раҳбарияти футболчини тўлиқ сотишни мақсад қилган ва "сотиб олиш мажбуриятисиз" ижарага олиш бўйича келиб тушган таклифларни рад этмоқда.
Аввалроқ, 27 ёшли Шомуродов "Торино" билан келишиб олгани хабар қилинганди. Римликлар Элдорнинг сотувидан камида 11 миллион евро ишлаб олмоқчи.
