"Спортинг" ҳимоячиси Педро Порро "Тоттенхэм"га ўтишга яқин турибди, деб хабар беради The Mirror.
Манбанинг хабарига кўра, 23 ёшли испаниялик футболчи фаолиятини Англия клубида давом эттиришга тайёр ва шартнома шартларини келишиб олган. "Спортинг" футболчини қўйиб юборишга тайёр, агар лондонликлар унинг учун 45 миллион евро тўлашса - бу сумма товон сифатида белгиланган.
Порро “Спортинг”да 2020 йил август ойидан буён “Манчестер Сити”дан ижара асосида ҳаракат қилаётган эди, 2022 йилнинг июлида Португалия клуби ҳимоячини тўлиқ сотиб олган. 2022/23 йилги мавсумда у 2 та гол урди ва 10 та голли узатмани амалга оширди.
Transfermarkt.com портали испаниялик футболчининг нархини 25 миллион еврога баҳоламоқда.
