"Шахтёр"дан 100 миллион евро эвазига кўчиб ўтган Лондоннинг "Челси" клубининг янги футболчиси Михаил Мудрик 15-рақам остида ўйнайди. Бу ҳақда "кўклар"нинг ижтимоий тармоқлардаги расмий аккаунти хабар берди.
Аввалроқ бу рақам остида Курт Зума, Виктор Мозес, Папи Джилободжи, Муҳаммад Салоҳ, Кевин Де Брюйне, Флорент Малуда ва Дидье Дрогба каби футболчилар ўйнашган. 22 ёшли украиналик "Шахтёр" таркибида 10-рақам остида ўйнаган, аммо "Челси"да уни америкалик Кристиан Пулишич эгаллаб турибди.
Футболчининг клуб билан шартномаси 2030 йилнинг ёзига қадар мўлжалланган бўлиб, шартномани яна бир йилга узайтириш имконияти ҳам мавжуд.
