"Вулверхэмптон" "Фламенго" ярим ҳимоячиси Жоау Гомесни сотиб олишга рози бўлди.
Маълумотларга кўра, инглиз клуби 21 ёшли бразилиялик учун 17 миллион евро тўлайди, "Фламенго" ҳам футболчининг кейинги сотувидан фоиз олади. Келишувни якунлаш учун футболчи душанба куни тиббий кўрикдан ўтиши кутилмоқда.
Гомес "Фламенго" тарбияланувчиси бўлиб, жамоа сафида 117та ўйинда 3та гол урди ва 3та голли узатмани амалга оширди. Клуб билан биргаликда у икки марта Бразилия чемпиони бўлди, шунингдек, Либертадорес кубогини қўлга киритди.
Transfermarkt.com портали ярим ҳимоячининг нархини 15 миллион еврога баҳоламоқда.
