"Барселона" "Арсенал" қизиқиш билдираётган бразилиялик вингер Рафиньяга нарх белгилади, деб ёзмоқда Diario Sport.

Манбага кўра, Каталония клуби футболчи учун 100 миллион евро олмоқчи. Шу билан бирга, "Барса" футболчини сақлаб қолишга умид қилмоқда. Аввалроқ, "канонирлар" "Челси"га ўтган украиналик Михаил Мудрикнинг трансфери муваффақиятсизликка учрагач, бразилиялик футболчининг номзодини кўриб чиқишга киришгани хабар қилинганди.

26 ёшли Рафинья ўтган ёзда "Лидс"дан 58 миллион евро эвазига "Барселона"га ўтган эди. У жорий мавсумда барча турнирларда 22 та ўйинда майдонга тушиб, 3 та гол урди ва 5 та голли узатмани амалга оширди. Унинг клуб билан шартномаси 2027 йилнинг ёзига қадар мўлжалланган.