Мадриднинг "Атлетико" клуби каталонияликлар ҳужумчиси Мемфис Депайни трансфер қилиш шартлари бўйича "Барселона"га ультиматум қўйди. Бу ҳақда Relevo хабар бермоқда.
Манбага кўра, "Атлетико" бельгиялик ярим ҳимоячи Янник Феррейра Карраскони Депайга алмаштирмоқчи эмас. Боз устига, мадридликлар раҳбарияти қишки трансфер ойнасида нидерландиялик футболчи учун ҳатто товон пули ҳам тўламоқчи эмас. Агар "Барселона" қишда Депайни Мадрид клубига қўйиб юбормаса, "Атлетико" "Брага"дан Витиньони сотиб олади.
“Атлетико” Карраскони 60 миллион еврога қўйиб юборишга тайёр. Маълум қилинишича, “матрасчилар” бельгиялик футболчининг “Барселона”га кетишига тўсқинлик қилмайди, агар “кўк-анорранглилар” футболчининг товон пулини тўлашга рози бўлса.
