Камерунлик ҳужумчи Венсан Абубакар Туркиянинг “Бешиктош” клубига қайтишга яқин турибди.
L’Equipe нашрининг ёзишича, бир неча жаҳон чемпионатлари иштирокчиси Истанбул жамоаси билан 2,5 йиллик шартнома имзолайди. Хабар қилинишича, ҳужумчининг маоши бир миллион еврога камайтирилади ва уч миллион евро олади.
Эслатиб ўтамиз, аввалроқ "Ан-Наср" клуби хорижлик футболчиларга қўйилган лимитга риоя қилиш мақсадида Криштиану Роналду билан шартнома имзолаши муносабати билан Абубакарни рўйхатдан четлатган эди.
Transfermarkt портали 30 ёшли камерунлик футболчининг нархини беш миллион еврога баҳоламоқда. Аввалроқ Венсан 2016/2017 ва 2020/2021 йилги мавсумларда “Бешиктош” сафида икки марта ўйнаган.
