"Тоттенхэм" ва Франция терма жамоаси дарвозабони Уго Льорис ЖЧ-2022 якунига етганидан сўнг, Дидье Дешам шогирдлари Аргентина терма жамоасига мағлуб бўлганидан кейинги ҳис-туйғулари ҳақида гапирди.
"Мен шикоят қила олмайман. Мен профессионалман ва фақат ритмга амал қиламан. Аммо терма жамоада ишлаб, жаҳон чемпионатининг сўнгги кунигача ўйнасанг ва мағлуб бўлсанг, маънавий тетикликни йўқотишинг аниқ. Аммо мен сафга қайтишим ва жамоамга ёрдам беришим керак", - деди Льорис Daily Standard билан суҳбатда.
Франция таркибида Льорис 145 та ўйин ўтказди, бу терма жамоа учун рекорд ҳисобланади. Дарвозабон сардор сифатида жамоасини 121 учрашувда майдонга олиб чиқди, бу ҳам ўзига хос ютуқ.
