"Челси" Рис Жеймснинг жароҳатидан сўнг ўнг қанот ҳимоячиси сотиб олишга қарор қилди.
90min нашри хабарига кўра, Лондон гранди "Интер" билан Дензел Дюмфриснинг трансфери бўйича музокара ўтказган. Нидерландиялик футболчини қўлга киритиш учун "кўклар" тахминан 40 миллион евро тўлашлари керак бўлади.
Миш-мишлар аввалроқ "Челси"ни Дензел Дюмфрис билан боғлаган эди. 26 ёшли футболчига АПЛнинг бошқа клублари ҳам қизиқиш билдирмоқда.
Айтиш жоизки, "Челси" қишки трансфер мавсумида ниҳоятда фаол. "Кўклар" январь ойида янги келганлар учун 180 миллион евро сарфлаган.
