"Бавария" дарвозабонлар мураббийи Тони Тапаловични истеъфога чиқарди, деб хабар беради Bild.
Клуб бу ҳақда Тапалович билан дўстона муносабатда бўлган дарвозабон Мануэль Нойерни шахсан маълум қилган.
Қайд этилишича, Тапалович жамоа бош мураббийи Юлиан Нагельсманн билан келишмовчиликларга учраган.
Қолаверса, “Монако”да ижара асосида тўп сураётган дарвозабон Александр Нюбель германиялик мутахассис ишлаётган вақтда Мюнхен клубига қайтишни истамаяпти.
Эслатиб ўтамиз, Нойер жароҳати туфайли мавсум охиригача сафдан чиққан эди. Унинг ўрнига "Бавария" "Боруссия" дарвозабони Янн Зоммерни ўз сафига қўшиб олди.
42 ёшли Тапалович 2011 йилдан буён “Бавария” дарвозабонлари мураббийи ҳисобланар эди.
