"Брайтон" ярим ҳимоячиси Мойсес Кайседо унга "Челси" қизиқаётгани ҳақидаги хабарларга муносабат билдирди. Лондонликлар унинг трансфери учун 60 миллион евро тўлашга тайёр, бироқ "Брайтон" рад жавобини берди. "Челси" ўз таклифини яхшилаш ниятида.
“Эътиборимни “Брайтон”га қаратганман. Менинг барча фикрларим ҳозир жамоа ҳақида, шунинг учун мен ташқи омиллар ҳақида қайғурмайман", - дея Кайседонинг сўзларидан иқтибос келтирган журналист Фабрицио Романо.
"Челси" АПЛ турнир жадвалида 10-ўринни эгаллаб турибди. "Брайтон" эса 6-ўринда.
Кайседо "Брайтон"да 2021 йилнинг февралидан бери тўп суради. Эквадорлик футболчи жорий мавсумда инглиз клуби сафида 20 та ўйинда майдонга тушиб, 1 та гол урди ва битта голли узатмани амалга оширди.
