"Ньюкасл" вингерига "Милан" қизиқиш билдирмоқда.
Foot Mercato нашри хабарига кўра, "Милан" клуби Аллан Сен-Максименга қизиқиш билдирмоқда. "Россонерилар" 25 ёшли франциялик футболчини сотиб олиш опцияси билан ижарага олмоқчи ва икки кун ичида таклиф билан чиқишади.
"Милан" ҳам "Рома" футболчиси Николо Дзаньолога қизиқиш билдирмоқда, бироқ клублар потенциал трансфер тузилиши бўйича келиша олмаяпти: римликлар футболчини 30 миллион еврога сотмоқчи, миланликлар эса ижара ва сотиб олиш вариантини таклиф қилишмоқда.
Сен-Максимен жорий мавсумда Премьер-лиганинг 12 ўйинида 1 та гол урди ва 3 та голли узатмани амалга оширди.
