Журналист Альфредо Педуланинг фикрича, "Интер"нинг янги ўйинчиларни сотиб олишга пули йўқ.
Манбага кўра, миланликларнинг трансфер бюджети ҳозирда нолга тенг. Эслатиб ўтамиз, жорий трансфер ойнасида “нерадзуррилар” ҳали ҳеч қандай харид қилмаган. Миланликларнинг жорий мавсумдаги энг қиммат хариди бу ҳужумчи Хоакин Корреа бўлиб, у ўтган ёзда 23,6 миллион евро эвазига Римнинг "Лацио" клубидан кўчиб ўтган эди.
Италия А Сериясининг 19-туридан сўнг “Интер” 37 очко билан турнир жадвалида тўртинчи ўринда бормоқда. “Қора-кўклар” пешқадам “Наполи”дан 13 очко ортда қолмоқда.
