«Барселона» ҳимоячиси Маркос Алонсо клуб билан янги шартнома имзолаганидан сўнг ўз фикрларини билдириб ўтди.
32 ёшли футболчининг «кўк-анорранглилар» билан янгиланган шартномаси келаси мавсум охиригача мўлжалланган.
«Барселона»да яна бир йил қолишимдан жуда хурсандман. Бу ердаги мослашувим муаммосиз ўтмоқда.
Умид қиламанки, биз биргаликда олдингидан ҳам катта муваффақиятларга эришамиз. Жамоадошларим ва мураббийлар штаби қўллаб-қувватлаганликлари учун миннатдорман», - дея ўз таассуротлари билан ўртоқлашди Алонсо.
Эслатиб ўтамиз, Маркос Алонсо 2022 йилнинг ёзида «Челси»дан «Барселона»га ўтган эди. Каталонияликлар сафида у 19 та ўйинда майдонга тушиб, 2 та гол урган.
