Педри эндигина 20 ёшда ва у аллақачон "Барселона" сафида 100 та ўйин ўтказди. Кеча иқтидорли ярим ҳимоячи "Жирона"га қарши ўйинда жароҳат олган Усмон Дембелени ўрнига майдонга тушди. Якунда айнан Педри гол урди ва каталонияликларга 1:0 ҳисобида ғалаба келтирди.
Ўйиндан кейин "Барселона" бош мураббийи Хави Педри ҳақида фикр билдирди.
"Педри дунёни ўзгартирмоқда. У чизиқлар орасига қарайди ва эркин зоналарга ҳужум қилади. Бунга голларни ҳам қўшинг ва биз 20 ёшли дунёнинг энг яхши ярим ҳимоячиларидан бири ҳақида гапиряпмиз", - деди Хави Goal нашрига.
"Барселона"нинг Ла Лигадаги навбатдаги рақиби "Бетис" бўлади.
