Лондоннинг «Тоттенхэм» клуби бош мураббийи Андре Виллаш-Боаш жамоа ҳужумчиси Жермейн Дефони трансфер қилиш нияти йўқлигини айтиб ўтди.
«Дефо ҳар доим жуда фойдали ҳужумчилар сирасига кирган. Чоршанба куни у Англия термаси учун гол урди, клубнинг мавсумолди тайёргарлиги ўйинларида гол урди ва мана энди «Ньюкасл» билан ўйинда ҳам тўп киритди.
Биз ҳужум чизиғига кучайтирмоқчилигимизни, яна бир марказий ҳужумчи излаётганимизни у ҳаммадан кўра яхшироқ билади.
"У бизга жуда керак. Жамоамизда ҳужумчи танқислиги юзага келган вазиятда, Дефодек ҳужумчидан воз кечиш аҳмоқлик", дея португалиялик мураббийнинг сўзларидан парча келтирмоқда Sky Sports.