Якшанба куни Мадриднинг "Реал" клуби ўз майдонида "Реал Сосьедад"ни мағлуб эта олмади, ўйин 0:0 ҳисобида дуранг билан якунланди.
Ушбу ўйиндан кейин Испания футболи жамоатчилиги яна ҳакамлар Мадрид клубига ёрдам беришаётганини муҳокама қилишмоқда.
Бир вазиятда "қаймоқранглилар" майдонда камчилик бўлиб қолишлари мумкин эди. "Реал" ҳимоячиси Начо сакраб, рақиб томонидан ташланган тўпни қўли билан тўсиб қўйди. Негадир ҳакам футболчига иккинчи сариқ карточкани кўрсатмади.
Аввалроқ, Мадриднинг “Атлетико” клуби директори Мигел Анхель Хиль Испаниядаги ҳакамлар "Реал"га беихтиёр ёрдам беришини айтганди. "Матрасчилар" яқинда "Сантяго Бернабеу"даги кубокдаги мағлубиятдан сўнг ҳакамдан шикоят қилганди.
