"Барселона" Усмон Дембеленинг ҳолатидан хавотирда.
Франциялик вингер яқинда Ла Лига доирасида "Жирона"га қарши ўйинда жароҳат олди ва ўйиннинг 26-дақиқасида алмаштирилди.
25 ёшли футболчи Европа лигасида "Манчестер Юнайтед"га қарши ўйинни ўтказиб юбориши кутилганди, аммо март ойининг биринчи ярмида сафга қайтиши айтилганди, аммо ҳаммаси бошқача бўлиши мумкин.
Инсайдер Жерар Ромеронинг фикрига кўра, Дембеленинг жароҳати жиддийроқ бўлиши мумкин ва бу ҳақдаги оммавий баёнотлар ҳақиқатга тўғри келмайди. Франциялик футболчи узоқ вақт давомида касалхонада қолиш хавфи остида турибди.
