Миш-мишлар "ПСЖ" ҳужумчиси Килиан Мбаппени "Реал" билан боғлашда давом этмоқда. Аввалроқ матбуотда 24 ёшли франциялик футболчи имкон қадар тезроқ "Сантьяго Бернабеу"га ўтмоқчи эканлиги ҳақида маълумотлар пайдо бўлганди. The Athletic нашрининг ёзишича, мадридликлар Мбаппенинг аҳволини кузатиб бормоқда, аммо унинг трансфери учун пул тўламоқчи эмас. Мадриднинг “Реал” клуби Килианни 2023/2024 йилги мавсум охирида уни эркин агент сифатида ўз сафига қўшиб олишга умид қилмоқда.

Қайд этилишича, Килиан Мбаппенинг "ПСЖ" билан амалдаги шартномасида уни футболчи томонидан бир томонлама бекор қилиш варианти бор, бу 2024 йилнинг ёзида амалга оширилиши мумкин. Балки айнан ўшанда "Реал Мадрид" юлдуз французни қўлга киритишга ҳаракат қилар.