"Барселона" бош мураббийи Тито Виланова "Реал" билан бўладиган Испания суперкубоги жавоб учрашуви олдидан фикрларини билдирди, дея хабар беради испан матбуоти.
Виланова "Реал"нинг биринчи сонияданоқ каталонияликларга гол уришга ҳаракат қилишига ишонади.
"Ўйлайманки, "Реал" бизга босим ўтказиш учун майдонга тушади. "Сантьяго Бернабеу"да ҳар доим шундай бўлиб келган. Рақиб биринчи дақиқаданоқ сени саросимага солиб, тезкор гол уришга уринади. Биз бу стадионда ғалаба қозонганмиз, аммо "Реал" билан ўйинда ўтмиш ўз аҳамиятини йўқотади. Биз албатта гол уришимиз керак, бунинг учун тўпни назорат қилишимиз керак. Агар тўп бизга тушмаса, бизга жуда қийин бўлади", - дейди Виланова.