Яқинда «Андижон»нинг Анталиядаги йиғинига қўшилган украиналик дарвозабон Игорь Литовка расман клуб аъзосига айланди. Маҳоратли посбон билан 2 йилга мўлжалланган шартнома имзоланди.

Украиналик тажрибали дарвозабоннинг охирги жамоаси Хорватиянинг “Загора” клуби ҳисобланади.

Бизнинг маълумот:
Игорь Литовка
Туғилган санаси: 05.06.1988
Амплуаси: дарвозабон
Бўйи: 193
Вазни: 89 кг
Фуқаролиги: Украина
Тўп сурган клублари: “Электрометаллург-НЗФ ААФУ” (Украина), “Севастополь” (Украина),  “Таврия” (Украина), “Олимпик” (Украина), “Волунтари” (Руминия), “Рига” (Латвия), “Десна” (Украина), “Загора” (Хорватия).

Тажрибали дарвозабон “Андижон” аъзосига айланганидан кейин ўзининг илк фикрлари билан ўртоқлашди.

“Ҳа, бу янги жамоа, мен учун яхши чақириқ бўлди. Осиёда ва айниқса, Суперлигада тўп суриш қизиқарли.

Кўриниб турибдики, яхши жамоа экан. “Андижон”нинг жиддий мақсади бор.

Эшитишимча, мухлислари зўр қўллаб-қувватлар экан. “Андижон” ишқибозларига тилакларим, доим бизни қўллаб туринглар, ҳаммаси яхши бўлади”, - деди Игорь Литовка, клуб матбуот хизматига.

"Андижон" матбуот хизмати.