«Андижон» Тожикистон миллий терма жамоаси етакчиси ва сардори Ахтам Назаров билан барча расмиятчилик ишлари ҳал қилди. Ҳимоячи андижонликлар билан 2 йиллик шартномага имзо чекди.

Футболчи фаолиятининг катта қисмини Тожикистоннинг биринчи рақамли клуби – “Истиқлол”да ўтказган.

Тожикистонлик ажойиб легионер “Андижон” клубининг янги аъзосига айлангач, ўз фикрлари билан ўртоқлашди.

“Табрик учун раҳмат. Мени бу ерда жуда яхши кутиб олишди. Бунинг учун жамоадошларимга ҳам катта раҳмат.

Шунингдек, менга ишонч билдириб, “Андижон” клубига таклиф қилишгани учун раҳбариятга ҳам ўзимнинг миннатдорчилигимни билдирмоқчиман.

Бу яхши жамоа, мухлисларга ғалабаларимиз орқали қувончли онларни тақдим этишга ҳаракат қиламиз. Яқинлашаётган янги мавсумга яхши тайёргарлик кўряпмиз”, - деди Назаров.

Бизнинг маълумот:

Ахтам Назаров
Туғилган санаси: 29.09.1992
Амплуаси: ҳимоячи
Бўйи: 179
Вазни: 66 кг
Фуқаролиги: Тожикистон
Тўп сурган клублари: “Энергетик” (Тожикистон), “Башухандра Кингз” (Бангладеш), “Истиқлол” (Тожикистон).
Тожикистон миллий терма жамоаси аъзоси.