«Andijon» Tojikiston milliy terma jamoasi yetakchisi va sardori Axtam Nazarov bilan barcha rasmiyatchilik ishlari hal qildi. Himoyachi andijonliklar bilan 2 yillik shartnomaga imzo chekdi.

Futbolchi faoliyatining katta qismini Tojikistonning birinchi raqamli klubi – “Istiqlol”da o‘tkazgan.

Tojikistonlik ajoyib legioner “Andijon” klubining yangi a’zosiga aylangach, o‘z fikrlari bilan o‘rtoqlashdi.

“Tabrik uchun rahmat. Meni bu yerda juda yaxshi kutib olishdi. Buning uchun jamoadoshlarimga ham katta rahmat.

Shuningdek, menga ishonch bildirib, “Andijon” klubiga taklif qilishgani uchun rahbariyatga ham o‘zimning minnatdorchiligimni bildirmoqchiman.

Bu yaxshi jamoa, muxlislarga g‘alabalarimiz orqali quvonchli onlarni taqdim etishga harakat qilamiz. Yaqinlashayotgan yangi mavsumga yaxshi tayyorgarlik ko‘ryapmiz”, - dedi Nazarov.

Bizning ma’lumot:

Axtam Nazarov
Tug‘ilgan sanasi: 29.09.1992
Ampluasi: himoyachi
Bo‘yi: 179
Vazni: 66 kg
Fuqaroligi: Tojikiston
To‘p surgan klublari: “Energetik” (Tojikiston), “Bashuxandra Kingz” (Bangladesh), “Istiqlol” (Tojikiston).
Tojikiston milliy terma jamoasi a’zosi.