Англия чемпионатининг 24-туридан ўрин олган учрашувда “Манчестер Сити” кутилмаганда “Ноттингем Форест” билан 1:1 ҳисобида дуранг ўйнаб, икки очко йўқотди. "Ноттингем Форест" бош мураббийи Стив Купер ўйин ҳақида фикр билдирди.
"Бу, албатта, жуда яхши натижа. "Манчестер Сити" - дунёнинг энг яхши жамоаси. Бундай жамоани таҳлил қилиш ва ўрганиш қизиқ, аммо уларнинг бизга қарши гол урганидан ҳафсалам пир бўлди, назаримда улар гол киритган пайтда Жо Ворралнинг бошига рақиб футболчиси зарба бергандек туюлди. Аммо, бошқа томондан, голимиз бизга бироз омадли келди", - деди Купер BBC Sport билан суҳбатда.
