Аввалроқ "Наполи" клубини бошқарган испаниялик мутахассис Рафаэль Бенитес клубни Чемпионлар лигасининг жорий мавсум фаворити деб ҳисоблаётгани ҳақида хабар берилган эди. Унинг фикрича, "Наполи" кубокни қўлга киритиши мумкин.
Худди шундай фикрни Италиянинг "Милан" ва "Сампдория" клубларининг собиқ футболчиси, Лучано Спалетти жамоасининг жорий мавсумдаги ўйинларидан ҳайратда қолган афсонавий Руд Гуллит ҳам маълум қилади. У ҳатто "Реал" ва "Бавария" фонида ҳам унга устунлик беради.
"Реал"ми ёки "Бавария"? Йўқ, Чемпионлар лигаси фаворити - "Наполи", - деди Гуллит La Gazzetta Dello Sport билан суҳбатда.
