Англия футбол ассоциацияси (FA) Ливерпуль шаҳрининг ҳар иккала клубини жаримага тортди. "Эвертон"ни 40 минг фунт, "Ливерпуль" эса 25 минг фунт миқдорида жаримага тортилгани ҳақида The Athletic нашри хабар бермоқда.
Оммавий жанжал Премьер-лиганинг 23-тур учрашувининг 86-дақиқасида бўлиб ўтди ва "Эвертон" дарвозабони Жордан Пикфорднинг "қизиллар"нинг чап қанот ҳимоячиси Эндрю Робертсонга қарши қўполлиги билан бошланди. Ҳар икки футболчининг ўзаро мулоқоти одатдагидек эди. Аммо суҳбатга бошқа ўйинчилар қўшилгач, кескинлик кўтарилди. Кейинчалик, Пикфорд ва Робертсон ҳакам томонидан огоҳлантирилди.
"Ливерпуль" - "Эвертон" учрашуви 2:0 ҳисобида Юрген Клопп жамоаси фойдасига ҳал бўлди.
