"Айнтрахт" ярим ҳимоячиси Даичи Камада фаолиятини Дортмунднинг "Боруссия"сида давом эттиради, дея хабар беради журналист Фабрицио Романо.
Манба берган хабарга кўра, 26 ёшли япониялик яна 3 та клуб қизиқаётганига қарамай, Дортмундликлар билан 5 йиллик шартномага келишиб олган. Футболчи ёзда эркин агент сифатида жамоага қўшилади.
Камада жорий мавсумда “Айнтрахт” сафида 30 та ўйинда майдонга тушиб, 13 та гол урди ва 5 та голли узатмани амалга оширди. Transfermarkt портали футболчининг нархини 30 миллион еврога баҳоламоқда.
