"Манчестер Юнайтед" 2014 йилда бош мураббий сифатида Луи ван Гални олиб келади. Нидерландиялик мутахассис ўзи билан Люк Шоуни ҳам жамоага келтирганди. Фергюсон давридаги даражани қайтариш учун ван Гал ва раҳбарият ўша йилнинг ёзидаёқ қаттиқ ҳаракат бошлайди. Люк Шоу эса айни даврда сотиб олинади. Шундан сўнг, инглиз ҳимоячиси Сульшер, Моуриньо ва Рангник давридан ўтди. Ҳозир у Эрик тен Хаг билан яна юксала бошлади. Орада тўққиз йилга яқин вақт ӯтиб кетди . Қуйида Шоу билан бирга сотиб олинган футболчилар ва уларнинг тақдири ҳақида гаплашамиз.
Андер Эррера
Эррера Луи ван Галнинг илк хариди эди. У "Атлетик Билбао"дан олиб келинади. Беш йил давомида ярим ҳимоячи "МЮ" шарафини 189 та ўйинда ҳимоя қилиб, Англия кубоги, лига кубоги ва Европа лигаси бош совринини қўлга киритди. 2019 йилда Эррера "ПСЖ"га йўл олади. У ердаги 3 мавсумдан кейин "Бока Хуниорс" сафига қайтади.
Ваня Милинкович-Савич
"Лацио" футболчиси Сергейнинг укаси бўлган Ваня, "МЮ" томонидан 2014 йилда сотиб олинади. Ёш дарвозабон клубдаги икки йиллик фаолиятида асосий жамоага кира олмаганди. Орадан кўп ўтмай, у 2016 йилда Польшанинг "Лехия" клубига сотиб юборилади. Айни дамда Милинкович-Савич "Торино" шарафини ҳимоя қилмоқда. 2022 йилги Жаҳон чемпионатида дарвозабон Сербия терма жамоасида дебют қилганди.
Маркос Рохо
2014 йилги Жаҳон чемпионатида порлагач, Рохо "МЮ" эътиборига тушади. У "Спартак Москва" клубидан 16 миллион фунтга харид қилинади. Шоудаги жароҳатлар Рохони майдонда бўлишини бир муддат таъминлайди. Аммо аргентиналик футболчи барибир ўта беқарор эди. У 2021 йилда "Бока Хуниорс"га қайтади.
Анхель Ди Мария
Ди Мариядан кўп нарса кутилган эди. Аммо билдирилган ишонч оқланмади. Луи ван Гал аргентиналикка кўп имконият тақдим этди. Бироқ, Ди Мариянинг услуби клубники билан айро эди. Аргентина терма жамоаси аъзоси Жаҳон чемпиони бўлганди. У "Ювентус" таркибида ҳаракат қилмоқда. Ди Мария бу икки клуб орасида "ПСЖ" сафида етти йил фаолият юритганди.
Дэйли Блинд
Ван Гал ишонган яна бир ном Блинд эди. Кўпчилик уни "МЮ"нинг қайта уйғонишида катта ўрин тутади деб ўйлаган. Афсуски, бундай бўлиб чиқмади. "Аякс"га 2018 йилда сотиб юборилган юлдуз, "қизил иблислар" сафида 141 та баҳсда иштирок этганди. Блинд айни дамда "Бавария" сафида ҳаракат қилмоқда.
Тимо Фосу-Менса
"Аякс"дан 16 ёшли футболчи харид қилинади. Унинг исми Фосу-Менса эди. Луи ван Гал уни 21 та баҳсда майдонга ташлайди. 2021 йилга қадар ҳимоячи фақат ижараларда юрди. "МЮ" эса ундан 9 марта фойдаланди холос. "Кристал Пэлас" ва "Фулхэм" сафидаги даврлардан кейин, Фосу-Менса доимий равишда "Байер Леверкузен" сафига йўл олди.
ИСМАТОВ Ж.
