Яқинда молиявий фирибгарлик учун Италия чемпионатида "Ювентус"дан 15 очко олиб ташланди. Турин клуби жадвалдаги очколар уларга қайтарилишига умид қилмоқда. Бу ҳақда “Фрайбург” клуби спорт директори Йохен Зайер малум қилди.
"Мен ҳозиргина "Ювентус"даги Пессотто исмли ҳамкасбим билан гаплашдим. У очколар уларга қайтарилишига оптимистик фикрда" - деди Йохен Зайер Calciomercato билан суҳбатда.
Эслатиб ўтамиз, Европа лигасининг 1/8 финалида “Ювентус” ва “Фрайбург” ўзаро тўқнаш келишади. Ўйинлар 9 ва 16 март кунлари бўлиб ўтади.
“Ювентус” айни дамда А Серия турнир жадвалида 7-ўринда бормоқда.
