Рафинья "МЮ"га қарши биринчи ўйинда алмаштирилганидан кейин норози бўлгач жароҳат олганди.

Қанот футболчиси 19 февраль куни бўлиб ўтган Ла Лиганинг 22-туридан ўрин олган "Кадис"га қарши ўйинни (2:0) "Барселона"нинг асосий таркибида бошламади, аммо 74-дақиқада майдонга тушди. Ўшанда ҳамма Хави "Манчестер Юнайтед"га қарши Европа лигаси плей-офф босқичи жавоб ўйини олдидан Рафиньяни сақлаб қолган деб тахмин қилганди.

Бироқ гап бунда эмасди, Рафинья "МЮ"га қарши биринчи ўйинда захирага олинганидан кейин жароҳат олганди. Ўша ўйинда бразилиялик футболчи гол урди ва голли узатмани амалга оширди ва 83-дақиқада Ферран Торресга ўз ўрнини бўшатиб берди.

Mundo Deportivo нашри хабарига кўра, захира ўриндиғига кетаётганда Рафинья ичимликлар солинган музлатгични тепган ва шундан кейин тиззасида оғриқ сезган. Шу сабабли у "Кадис"га қарши ўйинда "Барселона"нинг асосий таркибига кириш имкониятига эга бўлмади.

26 ёшли вингер жорий мавсумда "Барса" сафида барча турнирларда 33 ўйинда 7 та гол урди ва 9 та голга ассистентлик қилди.