11 сентябрь куни бўлиб ўтадиган ЖЧ-2014 саралаш баҳсига чипталар 8 сентябрдан бошлаб чипталар сотувга чиқарилади. Бу ҳақда ЎФФ Терма жамоалар маркази директори Асқар Толибжонов айни дақиқаларда бўлиб ўтаётган матбуот анжуманида маълум қилди.

— Аслида чипталар сотувини 4 сентябрда йўлга қўймоқчи эдик. Аммо "Пахтакор" стадиони раҳбариятидан таклиф тушди: "Агар чипталарни эрта сотувга қўйилса, Кувайт билан чиптаси аралашиб кетади. Шунинг учун чипталарни Кувайт билан ўртоқлик ўйинидан кейин сотувга чиқарилиши мақсадга мувофиқ", дея.

Чипталар қўлга чиқиб кетишини олдини олиш мақсадида ИИВга мурожаат қилганмиз. Улар олиб-сотарларга қарши кураш олиб боришади.

— ЎФФга хат билан бир нечта мурожаатлар бўлди. Уларда 100, 200, 300та чипталарни пул ўтказиш йўли билан сотиб олишни сўрашган. Аммо уларга сотмаймиз. Агар уларга пул ўтказиш йўли билан сотсак, улар бу чипталарни қўлга чиқариб юборишлари мумкин, — дейди А.Толибжонов.