Кеча, 1-март куни “Манчестер Юнайтед” Англия кубоги 1/8 финалида “Вест Хэм”ни мағлуб этди.

Учрашув Манчестер шаҳридаги “Олд Траффорд” стадионида бўлиб ўтди ва 3:1 ҳисобида якунланди. Бу ғалаба "манкунианликлар" учун жорий мавсумдаги барча турнирлардаги 30-ғалаба бўлди. Бундай натижага эришиш учун жамоага 41 та ўйин керак бўлди, бу Алекс Фергюсон фаолиятидан кейинги энг яхши кўрсаткичдир.

Биргина 2006/2007 ва 2012/2013 йилги мавсумларда "МЮ" 30 та тезкор ғалаба қозонди (40 та ўйиндан сўнг), Фергюсон иккала мавсумда ҳам жамоани бошқарган. Эътиборлиси, ҳар икки мавсумда ҳам “Манчестер Юнайтед” Англия чемпионига айланди.

26 февраль куни "Манчестер Юнайтед" Эрик тен Хаг қўл остида ўзининг илк совринини қўлга киритди. Англия Лига кубоги финалида “Манчестер Юнайтед” “Ньюкасл”ни 2:0 ҳисобида мағлуб этди.