Ҳозирда “Лейпциг” сафида тўп сураётган хорватиялик ҳимоячи Йошко Гвардиол Лондоннинг “Челси” клубининг нишонида турибди. Бу ҳақда The Times нашри хабар бермоқда.
Манбанинг таъкидлашича, "кўклар" 21 ёшли футболчини қўлга киритиш учун энг юқори имкониятга эга. Гвардиол хизматларига “Челси”дан ташқари яна икки нафар АПЛ вакили “Манчестер Сити” ва “Тоттенхэм” қизиқиш билдирмоқда.
Йошко яқинда "Лейпциг" билан 2027 йилнинг ўрталарига қадар янги шартнома имзолади. Футболчининг трансфер қиймати 75 миллион еврога баҳоланмоқда.
Ҳимоячи жорий мавсум Бундеслигада 20 та ўйинда майдонга тушиб, битта сариқ карточка олди.
