“Андижон” клубининг янги формаларига эътибор қаратяпсизми? Бу сафаргиси анча ноодатий ва ўзига хос янгилиги билан ажралиб туради.

Жамоа мавсум давомида қизил ва оқ рангли формалардан фойдаланади.

Яхшилаб назар ташласангиз, қизил формада стадион атрофидаги ҳудуд спутник орқали акс эттирилган ва унда табиийки ўзимизнинг арена ҳам бор.

Айниқса, формада шундай дизайн қилинганки, рамзий маъно сифатида юрак қисмида “Бобур Арена” стадиони жойлаштирилган. Бу эса либосни кийган ҳар бир футболчида жамоа юрагимда, деган тушунчани янада мустаҳкамлайди.

Оқ рангли форма жамоа рамзи ҳисобланган бургут тасвирланган. Қизил рангдагиси мезбон, оқ ранглиси эса меҳмондаги формаларимиз ҳисобланади.

Дарвозабонларнинг формалари эса уч хил кўринишда акс этган.

Дарвоқе, футболчиларимизнинг ушбу либослари “Team Sport” бренди томонидан тайёрланган.

Шунингдек, жамоамиз бу йил "Jako" брендининг экипировкаларидан фойдаланади. Аҳамиятлиси, нафақат асосий жамоа аъзолари, балки ўринбосарлар жамоаси ҳам "Jako" экипировкалари билан таъминланди. Яъни, улар учун ҳам шароитлар янада яхшиланяпти. Шу боис ёшлар ҳам асосий таркиб сингари бир хил тарзда кийинтирилди.

“Андижон” матбуот хизмати.