“Andijon” klubining yangi formalariga e’tibor qaratyapsizmi? Bu safargisi ancha noodatiy va o‘ziga xos yangiligi bilan ajralib turadi.

Jamoa mavsum davomida qizil va oq rangli formalardan foydalanadi.

Yaxshilab nazar tashlasangiz, qizil formada stadion atrofidagi hudud sputnik orqali aks ettirilgan va unda tabiiyki o‘zimizning arena ham bor.

Ayniqsa, formada shunday dizayn qilinganki, ramziy ma’no sifatida yurak qismida “Bobur Arena” stadioni joylashtirilgan. Bu esa libosni kiygan har bir futbolchida jamoa yuragimda, degan tushunchani yanada mustahkamlaydi.

Oq rangli forma jamoa ramzi hisoblangan burgut tasvirlangan. Qizil rangdagisi mezbon, oq ranglisi esa mehmondagi formalarimiz hisoblanadi.

Darvozabonlarning formalari esa uch xil ko‘rinishda aks etgan.

Darvoqe, futbolchilarimizning ushbu liboslari “Team Sport” brendi tomonidan tayyorlangan.

Shuningdek, jamoamiz bu yil "Jako" brendining ekipirovkalaridan foydalanadi. Ahamiyatlisi, nafaqat asosiy jamoa a’zolari, balki o‘rinbosarlar jamoasi ham "Jako" ekipirovkalari bilan ta’minlandi. Ya’ni, ular uchun ham sharoitlar yanada yaxshilanyapti. Shu bois yoshlar ham asosiy tarkib singari bir xil tarzda kiyintirildi.

“Andijon” matbuot xizmati.