Дортмунднинг «Боруссия» жамоаси Германия чемпионатининг 23-туридан ўрин олган баҳсда «Лейпциг»ни мағлуб этди – 2:1. Учрашув «Сигнал Идуна Парк» стадионида бўлиб ўтди.
13-дақиқада Юлиан Брандт ҳисобни очди, аммо гол ВАР томонидан бекор қилинди, чунки тўпга қўл билан ўйналган эди. Биринчи бўлим ўрталарида дортмундликлар сардори Марко Ройс пенальтини голга айлантирган бўлса, танаффусгача Эмре Жан жамоасининг иккинчи голига муаллифлик қилди.
Иккинчи бўлимда меҳмонлар ҳисобни биттага қисқартиришга муваффақ бўлишди. Ўйинда бошқа гол киритилмади.
Шу тариқа, «Боруссия Дортмунд» 49 очко тўплади ва турнир жадвалида биринчи ўринга кўтарилди, аммо «Бавария»да ҳали битта захира ўйини бор. «Лейпциг» 42 очко билан 4-ўринда бормоқда.
Голлар: 1:0 – 21, пенальти Ройс, 2:0 – 39 Джан, 2:1 – 74 Форсберг.
Боруссия Д – Майер, Зюле, Шлоттербек, Рюэрсон, Брандт (Хуммельс, 83), Ройс (Байно-Гиттенс, 73), Джан, Озджан (Дауд, 83), Беллингем, Вольф, Аллер (Модест, 72).
РБ Лейпциг – Бласвих, Хенрихс, Орбан (Симакан, 72), Гвардиол, Хальстенберг (Раум, 61), Шлагер, Айдара (Кампль, 84), Собослаи, Форсберг, Андре Силва (Поульсен, 72), Нкунку (Вернер, 84).
Огоҳлантиришлар: Нкунку (15), Айдара (17), Озджан (29), Хальстенберг (38), Андре Силва (45), Хенрихс (52), Брандт (55).
