"Барселона" бош мураббийи Хави Эрнандес ўз футболчиларини кеча Испания чемпионатида "Валенсия" устидан қозонилган ғалаба учун мукофотлади.
Эслатиб ўтамиз, "кўк-анорранглилар" ўз майдонида "кўршапалаклар"ни мағлуб этишди ва шу тариқа Ла Лигада "Реал"дан очколар фарқини 9тага етказди.
AS нашри хабарига кўра, энди "Барселона" футболчилари мукофот сифатида икки кун дам олишади.
"Валенсия" устидан қозонилган ғалабага биринчи бўлимда Рафинья Диас томонидан киритилган гол эвазига эришилди. Шу билан бирга, "Барселона" ҳимоячи Рональд Араухонинг четлатилиши туфайли иккинчи бўлимнинг катта қисмида бир киши кам бўлиб ўйнади.
