"Ливерпуль" ҳимоячиси Эндрю Робертсоннинг фикрича, кеча "Манчестер Юнайтед"га қарши ўйин Коди Гакпо учун жамоа либосидаги энг яхшиси бўлди. 

Эслатиб ўтамиз, нидерландиялик футболчи январ ойида Эйндховеннинг ПСВ клубидан Юрген Клопп жамоасига ўтган эди. Кеча у "Энфилд"да "қизил иблислар"га қарши ўйинда дубль қайд этди.

“Гакпо “Ливерпуль” учун энг яхши ўйинини ўтказди. Албатта, Коди шу пайтгача бу ерда анча қисқа фаолият олиб борди, аммо "Манчестер Юнайтед"га қарши ўйинда у жуда яхши ўйнади. У ажойиб ишонч билан иккита гол урди", - дея Робертсоннинг сўзларини келтирмоқда "Ливерпуль" расмий сайти.

Эслатиб ўтамиз, январь ойида Гакпога "Манчестер Юнайтед" ҳам қизиққан эди, аммо якунда футболчини "Ливерпуль" қўлга киритди.