"Лечче"да ижара асосида ўйнаётган "Барселона" ҳимоячиси Самуэль Умтити Италия топ-клуби нишонида турибди. 29 ёшли франциялик футболчининг хизматларига Миланнинг "Интер" клуби қизиқиш билдирмоқда, деб хабар беради La Gazzetta dello Sport.
Хабар қилинишича, "Интер" аллақачон Умтити трансфери борасида "Барселона" билан боғланган. Испанияда Самуэль ўзини кўрсата олмади, аммо камтарона "Лечче" клубида франциялик футболчини ўзини яхши тикламоқда.
Умтитининг "Барселона" билан амалдаги шартномаси 2026 йилнинг ёзига қадар тузилган. 2016 йилдан буён каталонияликлар сафида тўп сураётган франциялик футболчи январь ойида клуб билан шартномасини узайтириб, маошини камайтиришга рози бўлганди. Олдинроқ "Барселона" бош мураббийи Хави яқин келажакда Умтитига ишонмаслигини айтганди.
