"Челси" бош мураббийи Грэм Поттер "аристократлар" билан 2024 йилгача мўлжалланган шартномаси бўлган ярим ҳимоячи Матео Ковачичнинг жамоа учун нақадар муҳим эканлигини таъкидлади. Эслатиб ўтамиз, аввалроқ хорват келаси ёзда жамоани тарк этиши мумкинлиги ҳақида хабарлар тарқалган эди. Унинг хизматларига "Манчестер Сити" қизиқиш билдирмоқда.
"У охирги икки ўйинда сардор бўлди, бу Матеонинг жамоага таъсирини кўрсатади. Ковачични “Челси” учун жуда муҳим футболчи деб биламан”, деди Поттер матбуот анжуманида.
Ковачич "Реал"дан кўчиб ўтган "Челси"даги бешинчи мавсумини ўтказмоқда. Матео бу мавсумда АПЛда фақат битта голли узатмани амалга оширди.
