"ПСЖ" ҳужумчиси Килиан Мбаппе жамоасининг Франция олий дивизионидаги 3000-голини урди. Бу ҳақда Opta статистик портали хабар бермоқда.
"ПСЖ" 3000 та гол маррасини забт этган 12-француз клубига айланди. Бунинг учун парижликларга 1858 та учрашув керак бўлди.
Эслатиб ўтамиз, ўтган футбол дам олиш кунлари Мбаппе Эдинсон Каванини ортда қолдириб, "ПСЖ" тарихидаги энг яхши тўпурарга айланди.
Кеча сўнгги дақиқаларда Мбаппе меҳмондаги учрашувда "Брест" дарвозасига парижликларнинг ҳал қилувчи голини киритди ва ўйин 2:1 ҳисобида парижликларнинг ғалабаси якунланди.
