"Манчестер Сити" бош мураббийи Хосеп Гвардиола АПЛнинг 27-турида "Кристал Пэлас" устидан қозонилган ғалаба (1:0) ҳақида фикр билдирди.
"Уларнинг қуроллари бор. Вильфрид Заха, Мишель Олисе, Эберечи Эзе ақл бовар қилмайдиган ҳужумчилар ва ақл бовар қилмайдиган хавф туғдиради. Улар совуққон, зўр ҳужумкор ўйинчилар. Бу сабр-тоқат масаласи.
Ҳаммасидан мамнунман, аммо бизга қарши ҳужумлар бироз етишмади. Бу осон эмас, улар ўз жарима майдончаларида олти нафар футболчи билан ҳимояланишади, Эрлинг Холандни икки киши ушлаб турди, Илкай Гюндоган ҳам қўриқлашарди. Бу сабр-тоқат масаласи эди.
Жоау Канселу кетганидан кейин бизда қанот ҳимоячилари етишмаяпти. Бизда фақат Кайл Уокер ва Серхио Гомес бор. Биз тўртта марказий ҳимоячи билан ўйнаймиз ва биз кучлимиз. Тўрттаси ҳам ажойиб ўйинчилар, шунинг учун биз жуда яхши ҳимояландик" - деди Гвардиола.
