Миланнинг «Интер» клуби бош мураббийи Симоне Индзаги жамоани ЕЧЛ чорак финалига олиб чиқмаса, истеъфога чиқарилиши мумкин.
Corriere dello Sport журналистларининг ёзишича, «нерадуррилар» раҳбарияти жамоанинг натижаларидан норози, «Специя»га қарши ўтган ўйиндаги мағлубият (1:2) эса раҳбариятни ўйлантириб қўйган. Агар «Интер» Чемпионлар лигасидан чиқиб кетса, Индзагининг тақдири ҳал бўлади.
Чемпионлар лигасининг навбатдаги босқичи учун «Интер» «Порту» билан кураш олиб боради. Қарама-қаршиликнинг биринчи ўйинида миланликлар 1:0 ҳисобидаги минимал ғалабани нишонлаган.
Симоне 2021 йилнинг июнидан бери жамоа бош мураббийи ҳисобланади. Унинг шартномаси 2023/2024 йилги мавсум охиригача амал қилади.
