Мадриднинг “Реал” клуби “ПСЖ” ҳужумчиси Килиан Мбаппе олдига шарт қўйди. Франциялик футболчи "қироллик клуби"га ўтиши учун Парижни тарк этиш истагини ошкора эълон қилиши керак. Бу ҳақда Marca нашри хабар бермоқда.
Эслатиб ўтамиз, Мбаппе ўтган ёзда эркин агент сифатида "Реал"га ўтиши мумкин эди, аммо сўнгги лаҳзада у фикрини ўзгартириб, "ПСЖ" билан шартномасини узайтиришга қарор қилди. Энди Килиан бу хатосини тузатиб, яна "қаймоқранглилар" сафига ўтмоқчи.
Мбаппе кеча Франция чемпионатида "Брест"га қарши ўйинда "ПСЖ"га ғалаба келтирган гол муаллифи бўлди. Килиан клуб сафидаги 203-голини урди. Француз ўз жамоаси тарихидаги энг яхши тўпурар ҳисобланади.
