"Ювентус" бош мураббийи Массимилиано Аллегри "Сампдория"га (4:2) қарши ўйиндаги Душан Влаховичнинг ҳаракатлари ҳақидаги саволга жавоб берди.
Сербиялик футболчи жамоасининг бирорта голида иштирок этмади ва 69-дақиқада пенальтини голга айлантира олмади.
“Влахович майдонда хотиржам бўлиши керак. Бугун у техник жиҳатдан анча яхши ўйнади. Энг муҳими, у дам олиши керак, чунки баъзида у жуда кўп энергия сарфлаб юборади. Унутманг у "Ювентус"да бор-йўғи бир йилдан бери ўйнаяпти. Душан яхши ишлаяпти ва у янада яхшироқ бўлиши учун ҳамма нарсага эга. У тўп билан янада совуққон бўлиши керак", - деди Аллегри DAZN нашрига ўйиндан кейинги интервьюсида.
