"Милан" бош мураббийи Стефано Пиоли Италия чемпионатининг 26-туридан ўрин олган "Салернитана"га қарши ўйиндан олдинги фикрлари билан ўртоқлашди.
"Биз бор эътиборимиз ва қатъиятимизни чемпионатга қаратишимиз кераклигини тушунамиз. Биз ҳозиргача етишмаётган изчилликни топишимиз керак. Биз тезкор ва ҳимояда мустаҳкам ўйнайдиган жамоага дуч келамиз. Биз жисмоний, руҳий ва тактик жиҳатдан яхши тайёргарлик кўрдик. Биз энг яхши "Милан" бўлишимиз керак, чунки бу муҳим ўйин" - деди Пиоли клуб матбуот хизматига.
"Милан" 47 очко билан А Серия турнир жадвалида 4-ўринда бормоқда. "Салернитана" 25 очко билан 16-ўринда бормоқда.
"Милан" – "Салернитана" учрашуви бугун, 14 март куни бўлиб ўтади. Учрашув Тошкент вақти билан 00.45да бошланади.
