«Бавария» ва ҳимоячи Люка Эрнандес ўртасидаги шартномани узайтириш бўйича музокаралар яхши кетмоқда.
Ижтимоий тармоқ журналисти Флориан Плеттенберг фикрига кўра, томонлар якуний келишувга яқин.
Амалдаги шартнома Люка Эрнандесни «Бавария» билан 2024 йилнинг ўрталарига қадар боғлайди. Франциялик футболчи Мюнхен клубида 2019 йилнинг ёзидан буён тўп тепмоқда.
Ўшандан бери Эрнандес 107 та расмий ўйинда майдонга тушиб, иккита гол урди ва шерикларига 8 та голли узатма берди.
«Бавария» навбатдаги ўйинини 19 март якшанба куни ўтказади. Юлиан Нагельсманн шогирдлари «Байер»га қарши баҳс олиб боради.
