«Bavariya» va himoyachi Lyuka Ernandes o‘rtasidagi shartnomani uzaytirish bo‘yicha muzokaralar yaxshi ketmoqda.
Ijtimoiy tarmoq jurnalisti Florian Plettenberg fikriga ko‘ra, tomonlar yakuniy kelishuvga yaqin.
Amaldagi shartnoma Lyuka Ernandesni «Bavariya» bilan 2024 yilning o‘rtalariga qadar bog‘laydi. Fransiyalik futbolchi Myunxen klubida 2019 yilning yozidan buyon to‘p tepmoqda.
O‘shandan beri Ernandes 107 ta rasmiy o‘yinda maydonga tushib, ikkita gol urdi va sheriklariga 8 ta golli uzatma berdi.
«Bavariya» navbatdagi o‘yinini 19 mart yakshanba kuni o‘tkazadi. Yulian Nagelsmann shogirdlari «Bayer»ga qarshi bahs olib boradi.